Ana səhifə

Arvadlar deyiRLƏR


Yüklə 7.65 Kb.
tarix09.06.2016
ölçüsü7.65 Kb.

www.cafarcabbarli.org

ARVADLAR DEYİRLƏR
Tanrı kəsibdir bizim ərlərin insafını;

Sən ki bilirsən, Baba, onların övsafını?!


Düşbərə, bir filməsəl, şit düşər isə əgər,

Evdə qiyamət salır, hər nə bilirsə söyər;

"Adə, a heyvan qızı", yoxmudur ağlın məgər?

Dinsə əgər arvadı, haydı, doyunca döyər.

Tanrı kəsibdir bizim ərlərin insafını;

Sən ki bilirsən, Baba, onların övsafını?!


Gündə qumar oynayır, bilməz işin dalını;

Baxtalayır arvadın sırğasını, şalını;

İçkiyə sərf eyləyir yerdə qalan malını.

Kim bizə bənd etdi bu həmşəri hambalını?

Tanrı kəsibdir bizim ərlərin insafını;

Sən ki bilirsən, Baba, onların övsafını?!


Gündə gedir bəlkə bir rus xanımın yanlasın,

Arvadını tullayıb evdə pərişanlasın,

Yaz buları jurnala, xəlqi-cahan anlasın,

Bəlkə o bədüzləri qeyriləri danlasın.

Tanri kəsibdir bizim ərlərin insafını;

Sən ki bilirsən, Baba, onların övsafını?!


Axırı arvadların qəlbini xun etdilər,

Əqli-səlim əhlini yaxşı cünun etdilər,

Əlif kimi qamətin həlqeyi-nun etdilər.

Müxtəsər, arvadları xarü zəbun etdilər.



Tanrı kəsibdir bizim ərlərin insafını;

Sən ki bilirsən, Baba, onların övsafını?!


Verilənlər bazası müəlliflik hüququ ilə müdafiə olunur ©kagiz.org 2016
rəhbərliyinə müraciət